မြေကြောင့် နစ်နာသူများကို ၀န်ကြီးဌာနများ အမှန်တကယ် လျော်ကြေးပေးလိုပါက ဘတ်ဂျက်တွင် ထည့်သွင်းတောင်းခံရန် အမျိုးသားလွှတ်တော်ဥက္ကဋ္ဌ တိုက်တွန်း

 

ဝန်ကြီးဌာနများ အနေဖြင့် လယ်ယာမြေနှင့် အခြားမြေများကြောင့် အမှန်တကယ် နစ်နာသူများကို လျော်ကြေးပေးလိုပါက ဘတ်ဂျက်များတွင် ထည့်သွင်းတောင်းခံရန်  လိုအပ်ကြောင်း အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ပြောကြားလိုက်သည်။
‘‘ဘတ်ဂျက်နဲ့ တင်တောင်း ပြီးရင် လျော်ပေးလိုက်ပါ။ ဒါက လွှတ်တော်ကိုယ်စားလှယ်တွေ ယူဖို့လည်း မဟုတ်ပါဘူး။ အမှန် တကယ်နစ်နာသူတွေ နစ်နာခြင်း ရှိ၊ မရှိ ပိုင်ဆိုင်ခြင်း ရှိ၊ မရှိ ကြိုက် သလို စုံစမ်း၊ နစ်နာပြီဆိုရင် ဒီနေ့ ပေါက်ဈေးနဲ့ပဲဖြစ်ဖြစ်၊ ဖြစ်သင့် ဖြစ်ထိုက်တဲ့ လျော်ကြေးကို ဘတ် ဂျက်နဲ့ ဖြေရှင်းပေးရင် လွယ်လွယ်ကူကူပါပဲ’’ဟု ၎င်းက မတ်လ  ၁၀ ရက်က ပြုလုပ်သည့် (၁၂) ကြိမ်မြောက်  အမျိုးသားလွှတ်တော်တွင် ပြောကြားသည်။
ထိုကဲ့သို့ လျော်ကြေးပေးရန် ဘတ်ဂျက်တင်ပြတောင်းခံလာပါကလည်း  ပြည်ထောင်စုလွှတ်တော်နှင့် လွှတ်တော်ကိုယ်စားလှယ်များက ကန့်ကွက်လိမ့်မည်မဟုတ်ကြောင်း ဦးခင်အောင်မြင့်က ဆိုသည်။ ‘‘ကိုယ့်အိတ်ထဲ က စိုက်စရာလည်း မလိုဘူး။ ကိုယ်ဌာနကလည်း စိုက်စရာလည်း မလိုဘူး။ ပြည်သူ့ငွေနဲ့ ပြန်လျော်ကြေးပေးရတဲ့ သဘောဖြစ်ပါတယ်။ ပြဿနာတွေ ဖြေရှင်းတဲ့အခါမှာ ပြေလည်ချင်တဲ့ စိတ်ထားစေတနာလေးနဲ့ ဆောင်ရွက်ပေးဖို့ မေတ္တာရပ်ခံလိုပါတယ်’’ဟု ၎င်းကဆိုသည်။

 အမျိုးသားလွှတ်တော်အ စည်းအဝေးတွင် ရခိုင်ပြည်နယ် မဲဆန္ဒနယ်မှ ဒေါက်တာအေးမောင်က ယခင်စစ်အစိုးရလက်ထက်က လယ်ယာမြေပြဿနာများနှင့် အခြေအနေအရပ်ရပ်တို့ကြောင့် ဖြစ်ပေါ်ခဲ့သော နိုင်ငံသားအခွင့်အရေးထိခိုက်နစ်နာမှုများကို ပြန်လည်သုံးသပ်ရန် လိုအပ်လာပြီး အစိုးရနှင့် ပြည်သူချစ်ခင်မှု၊ စစ်ဘက်၊ အရပ်ဘက် ဆက်ဆံရေး ကောင်းမွန်လာစေရန် ကြိုပမ်းဆောင်ရွက်သင့်ကြောင်း ထောက်ပြဆွေးနွေးသွားခဲ့သည်။ အမျိုးသားလွှတ်တော်ဥက္ကဋ္ဌက ပြဿနာဖြေရှင်းရာတွင် နိုင်ငံတော်နှင့် ပြည်သူများအကြား အဖုအထစ်များ မရှိစေရန် ဦး တည်ချက်ဖြင့် ဆောင်ရွက်ရန် လို အပ်ကြောင်း ထောက်ပြပြောဆိုခဲ့သည်။

ထိုင်း၏ အကျိုးမျှော်မူဝါဒအပေါ် ဆန်းစစ်ခြင်း

By

အောင်သူရ

On  

Wed, 2015-03-11 10:09

Issue No.

အတွဲ (၁၄)၊ အမှတ် (၂)

ဗိုလ်ချုပ်မှူးကြီးမင်းအောင်လှိုင်နှင့် ထိုင်းဝန်ကြီးချုပ်တို့ တွေ့ဆုံစဉ် (ဓာတ်ပုံ − အေအက်ဖ်ပီ)

ထိုင်းအာဏာသိမ်းအစိုးရအဖွဲ့အနေဖြင့် မြန်မာနိုင်ငံအပေါ် ထားရှိသည့် သဘောထားပြောင်းလဲခဲ့ပါပြီ။ တိုင်းရင်းသားလက်နက်ကိုင်အင်အားစုများစု ဖွဲ့ထားသော တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့(NCCT)အနေဖြင့် ထိုင်းနိုင်ငံအတွင်း အစည်းအဝေး ပြုလုပ်မည်ဆိုပါက မြန်မာအစိုးရက ထိုင်းအစိုးရထံ စာရေးသားပေးပို့ရန်လိုသည်။ ထိုသို့ရေးသားပေးပို့မှသာ ထိုင်းအစိုးရအနေဖြင့် NCCT အဖွဲ့အား  အစည်းအဝေးပြုလုပ်ရန် ခွင့်ပြုပေးပါသည်။ထိုင်းနိုင်ငံအခြေစိုက် မြန်မာအရေးလှုပ်ရှားသူများအနေဖြင့်လည်း အခမ်းအနားတစ်ခုခုပြုလုပ်လိုပါက ထိုင်းနိုင်ငံအစိုးရသို့ ကြိုတင်သတိပေးလာရသည်။

ယခင် ထိုင်းအစိုးရများလက်ထက်တွင် မြန်မာအစိုးရအား ဆန့်ကျင်သော တိုင်းရင်းသားအင်အားစုများကို နယ်စပ်စည်းမျဉ်းတွင် ကြားခံအဖြစ်မွေးပြီး Buffer Zone ထားရှိခဲ့ဖူးသည်။ ယင်းအပြင် ထိုအဖွဲ့များကိုလည်း Cobra Gold စစ်ရေးလေ့ကျင့်မှုများပြီးလျှင် ကျန်ရှိတတ်သော  စစ်ပစ္စည်းများ ထောက်ပံ့ခဲ့ဖူးသည်။
 ဆယ်စုနှစ်ပေါင်းများစွာ တိုင်းရင်းသားလက်နက်ကိုင်အင်အားစုများအား ထောက်ခံအားပေးခဲ့သော ထိုင်းတပ်မတော်နှင့် ထိုင်းအစိုးရ၏ မူဝါဒသည် လက်ရှိအာဏာသိမ်းစစ်ခေါင်းဆောင်ဟောင်း ၀န်ကြီးချုပ်ပရာယွတ်ချန်အိုချာ၏ အစိုးရလက်ထက်တွင် ပြောင်းလဲသွားသည်ကို ထင်ရှားစွာတွေ့မြင်ရသည်။
‘‘သူတို့ပြချင်တာက သူတို့ဟာ ငြိမ်းချမ်းရေးဖြစ်စဉ်မှာ မြန်မာအစိုးရနဲ့ ပူးပေါင်းဆောင်ရွက်တယ်ဆိုတာကို ပြချင်တာပါ။ အတိတ်ကာလတုန်းကတော့ မြန်မာအစိုးရနဲ့ ပူးပေါင်းဆောင်ရွက်မှုမရှိခဲ့ပါဘူး’’ဟု ကရင်အမျိုးသားအစည်းအရုံး(KNU) အထွေထွေအတွင်းရေးမှူး ဖဒိုစောကွယ်ထူးဝင်းကသုံးသပ်သည်။
ထိုင်းအစိုးရအပါအ၀င် ထိုင်းတပ်မတော်အနေဖြင့် ထိုင်း-မြန်မာနယ်စပ်တစ်လျှောက်ရှိ တိုင်းရင်းသားလက်နက်ကိုင်အင်အားစုများအား ထောက်ခံခဲ့သည်မှာ ဆယ်စုနှစ်များစွာကြာခဲ့သည်။ ယခင်အစိုးရလက်ထက်များတွင် မြန်မာအစိုးရအား ဆန့်ကျင်သော တိုင်းရင်းသားလက်နက်ကိုင်များကို နှစ်နိုင်ငံနယ်စပ်တွင် ကြားခံအဖြစ်မွေးပြီး ထောက်ပံ့ခဲ့ဖူးသည်။
သို့သော်လည်း ဦးသိန်းစိန်အစိုးရ တက်လာပြီးနောက်ပိုင်း ထိုင်းအစိုးရ၏ ပေါ်လစီပြောင်းလဲလာခဲ့သလို ပြီးခဲ့သည့်နှစ်ကမှ အာဏာသိမ်းခဲ့သော ထိုင်းတပ်မတော်၏ သဘောထားမှာလည်း ပြောင်းလဲလာခဲ့ခြင်းဖြစ်သည်။
‘‘အခုတော့ မြန်မာအစိုးရနဲ့ ထိုင်းအစိုးရက နီးနီးကပ်ကပ်ဖြစ်လာသလို ပြည်တွင်းမှာ ထိုင်းက ရင်းနှီးလာတာတွေကလည်းရှိတော့ မျက်နှာပျက်စရာတွေကို မလုပ်ချင်တော့ဘူးဆိုတဲ့ သဘောဖြစ်ပါတယ်’’ဟု ဘန်ကောက်အခြေစိုက် ဘီဘီစီဝါရင့်သတင်းထောက် ဦးဝင်းမြင့်ကသုံးသပ်သည်။
မြန်မာအစိုးရအနေဖြင့် ထိုင်းအာဏာသိမ်းအစိုးရအား ဦးဦးဖျားဖျားထောက်ခံသည့် နိုင်ငံထဲတွင် ပါဝင်ခဲ့သည်။ မြန်မာတပ်မတော်ကာကွယ်ရေးဦးစီးချုပ်ကလည်း ထိုင်းနိုင်ငံသို့ နှစ်ကြိမ်သွားရောက်ခဲ့သည်။ အလားတူ ထိုင်းဘုရင့်တပ်မတော်က အာဏာသိမ်းပြီးနောက်ပိုင်း ထိုင်းနိုင်ငံနှင့် မြန်မာဆက်ဆံရေးမှာ ပိုမိုကောင်းမွန်လာခဲ့သည်။  ထိုင်းတပ်မတော်ကာကွယ်ရေးဦးစီးချုပ်အနေဖြင့် မြန်မာနိုင်ငံသို့ နှစ်ကြိမ်လာရောက်ခဲ့ပြီး ထိုင်းတပ်မတော်မှ အဆင့်မြင့်အရာရှိကြီးများလည်း မြန်မာနိုင်ငံသို့ မကြာခဏလာရောက်ခဲ့ကြသည်။
မြန်မာ့တပ်မတော်က ၁၉၈၈ အာဏာသိမ်းပြီးနောက်ပိုင်း မြန်မာနိုင်ငံသို့ ပထမဆုံးလာရောက်ခဲ့သူမှာ ထိုင်းတပ်မတော်စစ်ဦးစီးချုပ်ဖြစ်သည်ဟု မြန်မာ့အရေး အစဉ်တစိုက်စောင့်ကြည့်ခဲ့သည့် နာမည်ကျော်သတင်းစာဆရာတစ်ဦးဖြစ်သော ဘာတေးလ်လင့်တနာရေးသားသည့် ဒေါမာန်ဟုန်စာအုပ်၌ ဖော်ပြထားသည်။
မြန်မာနှင့် ထိုင်းကာကွယ်ရေးဦးစီးချုပ်နှစ်ဦး တွေ့ဆုံစဉ် ထိုင်းကာကွယ်ရေးဦးစီးချုပ်က ‘‘လေးစားအပ်ပါသော အစ်ကိုကြီးခင်ဗျာ။ ပထမဆုံးအနေနဲ့ နိုင်ငံတော်သမ္မတကြီး၊ နိုင်ငံတော်ဝန်ကြီးချုပ်လို့ ခေါ်ရမလား (ဒါမှမဟုတ်) နိုင်ငံခြားရေးဝန်ကြီး၊ ကာကွယ်ရေးဝန်ကြီးလို့ ခေါ်ရမလားဆိုတာ ကျွန်တော်မသိပါဘူး။ ဒါပေမဲ့ ကျွန်တော့်ကိုရင်းနှီးတဲ့အနေနဲ့ ညီငယ်လို့ ခေါ်စေချင်ပါတယ်’’ဟု ပြောကြားခဲ့ကြောင်း ဘာတေးလ်လင်တနာ၏စာအုပ်တွင် ဖော်ပြပါရှိသည်။
ကမ္ဘာက အာဏာသိမ်းစစ်အစိုးရကို ၀ိုင်းဝန်းရှုတ်ချနေချိန်တွင် ထိုင်းဝန်ကြီးချုပ်၏ ခရီးစဉ်ပြီး မကြာမီ မြန်မာစစ်အစိုးရနှင့် ထိုင်းကုမ္ပဏီကြီးများကြား စီးပွားရေးလုပ်ငန်းများနှင့် ပတ်သက်၍ လက်မှတ်ထိုးခဲ့ကြသည်။ မြန်မာ့သစ်လုပ်ငန်းကော်ပိုရေးရှင်းမှ ထုတ်ပြန်ချက်အရ ကျွန်းသစ်တန်ချိန် ၁၆၀,၀၀၀ နှင့် သစ်မာတန်ချိန် ၅၀၀,၀၀၀ တင်ပို့ရန် ထိုင်း-မြန်မာနယ်စပ်ရှိ သစ်ထုတ်လုပ်ရေးလုပ်ငန်း ၂၀ နှင့် လက်မှတ်ရေးထိုးခဲ့ကြောင်း ကြေညာခဲ့သည်။ ထိုအချက်ကို ကြည့်ခြင်းအားဖြင့် ထိုင်းမှာ အစဉ်အဆက်လူ့အခွင့်အရေး၊ နိုင်ငံရေးဂုဏ်သိက္ခာ စသည်တို့ထက် နိုင်ငံအကျိုးစီးပွားသာကြည့်ကြောင်း နိုင်ငံရေးလေ့လာသူများကသုံးသပ်သည်။
ထို့အပြင် အဆိုပါကာလ ထိုင်းငါးဖမ်းကုမ္ပဏီနှစ်ခုဖြစ်သော Atlantis Corporation နှင့် Mar and Co တို့ကလည်း မြန်မာ့ပင်လယ်ပြင်တွင် နှစ်စဉ်ငါးတန်ချိန်နှစ်သန်းခွဲ ဖမ်းခွင့်ရခဲ့သည်။ Thip Tharn Thong ကုမ္ပဏီက ကားဟောင်းများ၊ စက်ပစ္စည်းများကို မြန်မာ့ပတ္တမြား၊ ပုလဲကျောက်စိမ်းတို့နှင့် လဲလှယ်ရန် စာချုပ်လက်မှတ်ရေးထိုးခဲ့ကြသည်။ ထို့ကြောင့်လည်း ထိုင်းနိုင်ငံက အကျိုးအမြတ်များစွာရရှိခဲ့သည်။
လက်ရှိ ထိုင်းနိုင်ငံ၏ စီးပွားရေးမှာ မြန်မာနိုင်ငံအပေါ် များစွာမှီခိုနေရသည်။ မြန်မာနိုင်ငံက ထိုင်းအပေါ် နိုင်ငံခြားရေးမူဝါဒအပြောင်းအလဲ ပြုလုပ်လာပါက ထိုင်းစီးပွားရေးထိခိုက်မည်ကို စိုးရိမ်ကြသည်။ ထို့ကြောင့် အစိုးရခေါင်းဆောင်များက မြန်မာအစိုးရနှင့် ဆက်ဆံရေးပြေလည်စေလိုကြသည်။
‘‘မုတ္တမက ဂက်စ်ကို မှီခိုနေရတဲ့ ထိုင်းစက်မှုလုပ်ငန်းတွေ၊ နယ်စပ်စီးပွားရေးတွေကြောင့် ထိုင်းဟာ မြန်မာကို မျက်နှာသာပေးလာရပါတယ်။ ဒါ့အပြင် ထားဝယ်အိပ်မက်ကလည်း ထိုင်းအတွက် အရေးပါပါတယ်။ သူက စင်ကာပူဈေးကွက်ရဲ့ ရာနှုန်းအတော်များများကို ဖြတ်နိုင်မယ်တွက်တယ်။ ဒါကြောင့် ထိုင်းဟာ မြန်မာကို မျက်နှာသာပေးလာရတယ်’’ဟု နိုင်ငံတကာရေးရာများ ရေးသားလေ့ရှိသော ဆောင်းပါးရှင်ထက်ရန်ကဆိုသည်။
လက်ရှိအာဏာသိမ်းအစိုးရကလည်း ထိုင်းနိုင်ငံတွင် စီးပွားရေးဇုန်ငါးခုပြုလုပ်ရန် သတ်မှတ်ထားသည်။ ထိုသတ်မှတ်ထားသော ငါးခုထဲတွင် ထိုင်း-မြန်မာနယ်စပ်အနီး မဲဆောက်မြို့၌ ပြုလုပ်မည့် စီးပွားရေးဇုန်ကို အထူးဇုန်အဖြစ် သတ်မှတ်ထားသည်။ ထုိ့ကြောင့် ထိုင်းနိုင်ငံမှ တာဝန်ရှိသူများအနေဖြင့် မဲဆောက်မြို့မှ မော်လမြိုင်မြို့အထိ လာရောက်လေ့လာမှုများ ပြုလုပ်နေကြသည်။ မြ၀တီနှင့် မဲဆောက်မြို့ကို ညီအစ်မမြို့အဖြစ် ထိုင်းအစိုးရက ပြုလုပ်သည်။ အထူးစီးပွားရေးဇုန်တည်ဆောက်မည့် မဲဆောက်မြို့သည် မြန်မာ့တိုင်းရင်းသားလက်နက်ကိုင်များ အခြေစိုက်ရာနေရာနှင့် အလွန်နီးစပ်သည့်နေရာ ဖြစ်နေသည်။
ထို့ကြောင့်လည်း ထိုင်းအစိုးရက တိုင်းရင်းသားလက်နက်ကိုင်အင်အားစုများကို မြန်မာအစိုးရ၏ ငြိမ်းချမ်းရေးဖြစ်စဉ်တွင် ပါဝင်လက်မှတ်ရေးထိုးနိုင်ရန် မြန်မာအစိုးရနှင့် ပူးပေါင်းဆောင်ရွက်မှုများ ပြုလုပ်လာခဲ့သည်။
လက်ရှိမြန်မာနိုင်ငံတွင် တရုတ်ပြီးလျှင် ဒုတိယရင်းနှီးမြှုပ်နှံမှုအများဆုံးနိုင်ငံမှာ ထိုင်းနိုင်ငံဖြစ်သည်။ လုပ်ငန်းပေါင်း ၈၃ခု တွင် ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၁၀,၂၅၇ ဒသမ ၇၄၄ သန်း ရင်းနှီးမြှုပ်နှံထားသည်။ ရေနံနှင့် သဘာဝဓာတ်ငွေ့ ရှာဖွေတူးဖော်ရေးလုပ်ငန်း သတ္တုတူးဖော်ရေးလုပ်ငန်း၊ ရေအားလျှပ်စစ်လုပ်ငန်းနှင့် ခရီးသွားလုပ်ငန်းတို့တွင် အများဆုံးရင်းနှီးမြှုပ်နှံထားကြခြင်းဖြစ်သည်။

သမ္မတဦးသိန်းစိန်နှင့် ထိုင်းဝန်ကြီးချုပ် ပရာယွတ်ချန်အိုချာ (ဓာတ်ပုံ − အီးပီအေ)
ထို့ကြောင့်လည်း ထိုင်းအစိုးရအနေဖြင့် မြန်မာအစိုးရအပေါ် ဆက်ဆံရေးပြောင်းလဲလာခဲ့ခြင်းဖြစ်ကြောင်း ထိုင်းသတင်းစာဆရာအချို့ကဆိုသည်။
ထို့အပြင် ထိုင်းဘုရင်က မြန်မာ့တပ်မတော်ကာကွယ်ရေးဦးစီးချုပ်သည် မြန်မာ့နိုင်ငံရေးတွင် အရေးပါမှုကို သိရှိခဲ့သဖြင့် မြန်မာ့တပ်မတော်ကာကွယ်ရေးဦးစီးချုပ်၏ ထိုင်းနိုင်ငံခရီးစဉ်၌ အလေးအနက် အသိအမှတ်ပြုခဲ့သည်။
‘‘ထိုင်းဘုရင်က မြန်မာတပ်ချုပ်ရဲ့ မြန်မာပြည်မှာ အရေးပါမှုကို နားလည်တယ်။ မြန်မာအစိုးရနဲ့ အဆင်ပြေဖို့ကို တပ်ချုပ်ရဲ့သဘောထားက အရေးကြီးတယ်။ နယ်စပ်တည်ငြိမ်ရေးဟာ တပ်ချုပ်လက်ထဲမှာရှိတယ်’’ဟု ထိုင်းနိုင်ငံရေးလေ့လာသူတစ်ဦးကဆိုသည်။ ထို့အပြင် အမေရိကန်အစိုးရ၏ မြန်မာနိုင်ငံအပေါ်ထားရှိသည့် သဘောထားပြောင်းလဲလာမှုနှင့် အာဆီယံနိုင်ငံများအား အစွန်းရောက် အကြမ်းဖက်သမားများ၏ ခြိမ်းခြောက်မှုအန္တရာယ်ကလည်း မြန်မာအစိုးရနှင့် ထိုင်းနိုင်ငံတို့ကြား ဆက်ဆံရေး ပြန်လည်ကောင်းမွန်လာစေသည့် အချက်တစ်ချက်ဖြစ်သည်။
လက်ရှိ မြန်မာ့တပ်မတော်နှင့် ထိုင်းတပ်မတော်တို့ကြား ပူးပေါင်းဆောင်ရွက်မှုမှာ အောက်ခြေအဆင့်မှ အမြင့်ဆုံးအဆင့်အထိရှိသည်။
ထို့ကြောင့် မြန်မာငြိမ်းချမ်းရေးဖြစ်စဉ်တွင် ထိုင်းနိုင်ငံအရေးမှာ အရေးပါသည့်အနေအထားဖြစ်နေသလို ထိုင်းနိုင်ငံ၏ စီးပွားရေးမှာလည်း မြန်မာနိုင်ငံအပေါ် များစွာမှီခိုနေရသည်။ ထို့ကြောင့်လည်း တစ်ချိန်က ရန်သူအဖြစ် သတ်မှတ်ခဲ့သော ထိုင်းနိုင်ငံမှာ သူ့နိုင်ငံအကျိုးစီးပွားအတွက် မြန်မာနိုင်ငံအပေါ် ဆက်ဆံရေးပြောင်းလဲလာခဲ့သည်။
ယခုကဲ့သို့ ပြောင်းလဲလာသော ဆက်ဆံရေးမှာ လက်ရှိ သူတို့ဘက်က ကုန်သည်ကဲ့သို့သော အကျိုးစီးပွားကိုကြည့်ပြီး မြန်မာဘက်က အဆင်ပြေသရွေ့ ထိုင်းဘက်က ပြေနေပါလိမ့်မည်ဟု မြန်မာနိုင်ငံရေးလေ့လာသူ ဦးအောင်သူငြိမ်းက မြန်မာ-ထိုင်း နှစ်နိုင်ငံဆက်ဆံရေးကိုသုံးသပ်သည်။
လက်ရှိ ထိုင်းနိုင်ငံအာဏာသိမ်းမှုမှာ ကြာမြင့်နိုင်ကြောင်း သုံးသပ်သူများရှိသည်။
ထိုင်းတပ်မတော်က အာဏာသိမ်းပြီးနောက်ပိုင်း မြန်မာ့ငြိမ်းချမ်းရေးဖြစ်စဉ်အပေါ် သက်ရောက်မှုရှိလာလိမ့်မည်ဟု ငြိမ်းချမ်းရေးအကျိုးဆောင်တစ်ဦးက သုံးသပ်ခဲ့သည်။ လက်ရှိအခြေအနေတွင် ထိုင်း-မြန်မာနယ်စပ်ရှိ တိုင်းရင်းသားလက်နက်ကိုင်အင်အားစုများနှင့် မြန်မာအစိုးရဆက်ဆံရေးမှာ တရုတ်-မြန်မာနယ်စပ်ကြားရှိ တိုင်းရင်းသားလက်နက်ကိုင်များထက် ဆက်ဆံရေးပိုကောင်းသည်။ ငြိမ်းချမ်းရေးလုပ်ငန်းစဉ်တွင်လည်း ရှေ့ပိုရောက်နေသည်။
လက်ရှိမြန်မာနိုင်ငံ၏ ပထ၀ီနိုင်ငံရေးအရ အရေးပါသည့်နေရာတွင်ရှိနေပြီး နိုင်ငံရေးပြုပြင်ပြောင်းလဲရေးမှာလည်း အိမ်နီးချင်းနိုင်ငံများနှင့် အင်အားကြီးနိုင်ငံကြီးအပေါ် မူတည်နေသည်။
အိမ်နီးချင်းနိုင်ငံများတွင် အာဏာရှင်နိုင်ငံရှိလာခြင်းမှာ မြန်မာအတွက် ကောင်းသောလက္ခဏာမဟုတ်ပေ။ အထူးသဖြင့် ထိုင်းနိုင်ငံတွင် စစ်အာဏာသိမ်းပြီးနောက်ပိုင်း နိုင်ငံရေးအပြောင်းအလဲမှာ ဒီမိုကရေစီစနစ်ကို ဖီဆန်ကာ စစ်အာဏာရှင်နိုင်ငံသို့ ကူးပြောင်းနေခြင်းက မြန်မာနိုင်ငံအတွက် ကောင်းမွန်သောအချက်မဟုတ်ဟု နိုင်ငံရေးလေ့လာသူများကသုံးသပ်သည်။
နိုင်ငံရေးသိပ္ပံပညာရှင်တစ်ဦးက မြန်မာ-ထိုင်းဆက်ဆံရေးနှင့် အိမ်နီးချင်းနိုင်ငံများ၏ နိုင်ငံရေးစနစ် မြန်မာအပေါ် သက်ရောက်မှုရှိပုံကို ‘‘ထိုင်းက ဟိုးအရင်ထဲက BambooDiplomacy (အနှစ်သာရမပါသော သံတမန်ရေး)ဆိုပြီး နာမည်ကြီးတာကို ကြားဖူးမှာပေါ့။ မြန်မာနဲ့တည့်အောင် ပေါင်းနိုင်တာလည်း မဆန်းပါဘူး။ ဒါပေမဲ့ ဘေးပတ်ဝန်းကျင်နိုင်ငံတွေ ဒီမိုကရေစီဖြစ်ခြင်း၊ မဖြစ်ခြင်းက အသွင်ကူးပြောင်းစပြုနေတဲ့ နိုင်ငံတွေအပေါ် အများကြီးလွှမ်းမိုးမှုရှိနိုင်တာပေါ့။ ထိုင်းစစ်အာဏာသိမ်းပြီးနောက် နှစ်နိုင်ငံဆက်ဆံရေး အဆင်ပိုပြေလာတာက မြန်မာနိုင်ငံအတွက်တော့ သိပ်မကောင်းနိုင်ဘူးထင်တယ်’’ဟု သုံးသပ်သည်။

တရုတ်သံရုံးရှေ့ ဆန္ဒပြလို့ အကြည်ညိုပျက်စေမှုနဲ့ စွဲချက်တင်လိုက်ပြီ

 

လက်ပံတောင်းတောင် ကြေးနီစီမံကိန်းမှာ ဆန္ဒပြရင်း သေနတ်နဲ့ပစ်ခံခဲ့ရလို့ သေဆုံးခဲ့သူ ဒေါ်ခင်ဝင်းအတွက် တရားမျှတရေးရဖို့ ရန်ကုန်က တရုတ်သံရုံးရှေ့ ဆန္ဒပြတောင်းဆိုခဲ့တဲ့ ကိုနေမျိုးဇင်၊ နော်အုန်းလှအပါအဝင် လှုပ်ရှားတက်ကြွသူ ၆ယောက်ကို မတ်လ ၁ဝရက်နေ့က ပုဒ်မ ၅ဝ၅(ခ)၊ ၁၄၇၊ ၃၄၃တို့နဲ့ ဒဂုံတရားရုံးက စွဲချက်တင်လိုက်ပါတယ်။

ခါးဆစ်ဒဏ်ရာရနေတဲ့အကြောင်း ဆေးစစ်ချက်ထွက်လာပေမယ့် အာဏာပိုင်တွေက ဆေးရုံတက်ကုသခွင့်ပိတ်ပင်ထားတယ်လို့ တရားခွင်ကိုရောက်လာတဲ့ ကိုနေမျိုးဇင်က ပြောပါတယ်။ စွဲချက်တင်လို့မရတဲ့ကိစ္စတွေကို စွဲချက်တင်ပြီး ထောင်ချဖို့တမင်သက်သက် ကြိုးစားနေတာဖြစ်တယ်လို့ သူကဆိုပါတယ်။ လက်ရှိအုပ်ချုပ်နေသူတွေကိုသာ မဲပေးရင်တော့ တိုင်းပြည်ဟာ စစ်ကျွန်သက်ရှည်နေမယ်လို့ သူကဆိုပါတယ်။

စွဲချက်တင်ထားတဲ့ ပုဒ်မ ၃ခုအတွက် လိုပြသက်သေတွေကို ထပ်မံစစ်ဆေးဖို့ လာမယ့် မတ်လ ၁၈ရက်နေ့ကို ရုံးချိန်းပေးခဲ့ပါတယ်။ ရွေးကောက်ပွဲနီးလာချိန် လှုပ်ရှားတက်ကြွသူတွေကို အကြောင်းမဲ့ဖမ်းဆီးထောင်ချနေတာဟာ တရားမျှတတဲ့ရွေးကောက်ပွဲကို ကျင်းပမယ်ဆိုတဲ့ အစိုးရပြောဆိုချက်ကို ပြက်ရယ်ပြုနေတယ်လို့ သူကပြောပါတယ်။ တရားဥပဒေစိုးမိုးရေး တကယ်လုပ်ချင်တယ်ဆိုရင် နှစ်လကျော်ကြာ အကျဉ်းထောင်ထဲကနေ အမှုရင်ဆိုင်နေရတဲ့ကိစ္စ ပြန်စဉ်းစားပေးပါလို့ ဆိုပါတယ်။

အင်းစိန်ထောင်က အကျဉ်းဦးစီးဌာနဝန်ထမ်းတွေဟာ သူတို့အပေါ် ရိုင်းစိုင်းဆဲဆိုပြီး ဆက်ဆံသလို နှိပ်ကွပ်မှုတွေလုပ်တာက လွန်လွန်ကဲကဲပါလို့ ပြောလာသူက မစန်းစန်းဝင်းပါ။ သူတို့တွေကို လူသတ်တရားခံလို သဘောထားပြီး အကျဉ်းတိုက်ကို ၃နာရီမှာပိတ်တာကိုလည်း လက်မခံနိုင်ဘူးလို့ ဆိုပါတယ်။

ပြည်လုံးကျွတ်ဆန္ဒခံယူပွဲ ကျင်းပမည့်ကာလ ပြောရန်ခက်သည်ဟု ရွေးကောက်ပွဲကော်မရှင်တာဝန်ရှိသူပြောကြား

By

အိဖြူလွင်

On  

Wed, 2015-03-11 12:41

Location

နေပြည်တော်

Issue No.

No.679 Wednesday, March 11, 2015

ဖွဲ့စည်းပုံအခြေခံ ဥပဒေပြင်ဆင်ရေး ပြည်လုံးကျွတ် ဆန္ဒခံယူပွဲ ကျင်းပမည့်ကာလ ကို ပြည်ထောင်စုရွေးကောက် ပွဲကော်မရှင်အနေဖြင့် ဖြေကြားရန် ခက်ခဲကြောင်း ရွေးကောက်ပွဲကော်မရှင်အဖွဲ့ဝင် ဦးဝင်းကိုက ပြောကြားသည်။
‘‘ပြည်လုံးကျွတ်ဆန္ဒခံယူပွဲ ဘယ်တော့၊ ဘယ်လိုလုပ်မယ်ဆိုတာ ဖြေဖို့ ခက်ပါတယ်။ ဘာကြောင့်လဲဆိုတော့ လွှတ်တော်က ပြဋ္ဌာန်းတဲ့ ပြည်လုံးကျွတ် ဆန္ဒ ခံယူပွဲဥပဒေပြဋ္ဌာန်းပြီးလို့ရှိရင် ကျွန်တော်တို့ ရွေးကောက်ပွဲ  ကော်မရှင်က သူနဲ့ စပ်လျဉ်းတဲ့ ဥပဒေထုတ်ပြန်ရပါမယ်။ နည်း ဥပဒေထုတ်ပြန်ပြီးမှ ပြည်လုံးကျွတ် ဆန္ဒခံယူပွဲလုပ်ငန်းတွေ စနိုင်မှာ ဖြစ်ပါတယ်’’ဟု ပြည်ထောင်စု ရွေးကောက်ပွဲကော်မ ရှင် အဖွဲ့ဝင်  ဦးဝင်းကိုက လွှတ်တော်အစည်းအဝေးအပြီးတွင် မီဒီယာများ၏ မေးမြန်းမှုကို ဖြေကြားသည်။
‘‘ငါးလပိုင်းမှာ လုပ်မယ်လို့ တော့ပြောထားတယ်။ ဒါကဖွဲ့ စည်းပုံကို ပြင်မယ်ဆိုတဲ့ သဘောမျိုး။ ဒါပေမဲ့ဒီနေ့ထက်ထိ မတို့မထိရသေးဘူး။ ခြောက် ပွင့်ဆိုင်ဆွေးနွေးပွဲတောင်းတာလည်း ဘာမှ မပြန်သေးဘူးဆိုတော့ ခုလွှတ်တော်ပြီးတော့မယ်။ နောက်လွှတ်တော်ခြောက်လပိုင်း မှာ ခေါ်မယ်။ ဘယ်အချိန်လူထု ဆန္ဒခံယူပွဲလုပ်မလဲ။ ကျွန်တော်ကတော့ ဒါကို အယုံအကြည်မရှိ ဘူး’’ဟု ပြည်လုံးကျွတ်ဆန္ဒခံယူပွဲ ကျင်းပမည့် ကိစ္စအပေါ် မြေပုံမဲ ဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဖေသန်းကပြော သည်။ ကော်မရှင်၏ လုပ်ငန်းများ နှင့် တစ်ပြိုင်တည်းမှာပင် လွှတ်တော်ကလည်း အခြေခံဥပဒေကို ပုဒ်မတစ်ခုချင်းစီအလိုက် ပြင်ဆင်ရန် ဆောင်ရွက်ရမည်ဖြစ်၍ မည်သည့်လတွင် လုပ်နိုင်မည်ဆိုသည်ကို မဖြေကြားနိုင်ကြောင်း ဦးဝင်း ကိုကပြောသည်။ ထို့အပြင်လွှတ် တော်၏  အခြေခံဥပဒေပြင်ဆင်ရေးသည် မည်သည့်ကာလတွင် အဆုံးသတ်မှ ပြည်လုံးကျွတ်ဆန္ဒ ခံယူပွဲပြုလုပ်နိုင်ရန် အချိန်လုံလောက်မည်ဆိုသည်ကိုလည်း ပြောခွင့်မရှိကြောင်း ဦးဝင်းကိုက ပြောသည်။
‘‘ပြင်ဆင်မယ်ဆိုတာ ဒီလောက်အချိန်ကြန့်ကြာနေတာ ရွေးကောက်ပွဲလည်း လာတော့ မယ်။ ဘယ်အချိန်သွားပြင်မလဲ။ လွှတ်တော်လည်း ပြီးတော့မယ်။ ဒါမဖြစ်နိုင်ဘူး။ ဒါကျွန်တော်အစကတည်းကပြောတယ်။ ဒီ ငါးလပိုင်းမှာ လူထုဆန္ဒခံယူပွဲလုပ်မယ်ဆို တာ For Show ပဲလို့ ကျွန်တော် ပြောတယ်။ အချိန်ကာလသိပ်နီး ကပ်နေပြီ၊ မဖြစ်နိုင်တော့ဘူး’’ဟု ဦးဖေသန်းက အခြေခံဥပဒေပြင်ဆင်ရေးအခြေအနေနှင့် ပတ်သက်၍ ပြောကြားသည်။
ယခုအချိန်အထိ အခြေခံဥပဒေပြင်ဆင်ရေးကို မတို့မထိရသေးဘဲ မျိုးစောင့်ဥပဒေ၊ အမျိုးသားပညာရေးဥပဒေနှင့် ဘတ်ဂျက်ကိစ္စများ အပြီးမသတ်သေးသောကြောင့် ပါတီများအားလုံး တွန်းအားပေးမှသာ အခြေခံဥပဒေပြင်ဆင်နိုင်မည်ဖြစ်ကြောင်း ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြောသည်။
ဖွဲ့စည်း ပုံအခြေခံဥပဒေကို ပြင်ဆင်သည့် ဥပဒေမူကြမ်းကို ပြည်သူ့လွှတ်တော်၏ ဥပဒေရေးရာနှင့် အထူးကိစ္စရပ်များ လေ့လာဆန်းစစ်ရေး ကော်မရှင်က ရေးဆွဲပြီးကြောင်း သတင်းရရှိသော်လည်း ယခုအချိန်အထိ လွှတ်တော်သို့ တရားဝင်တင်သွင်းခြင်းမရှိသေးပေ။

အစိုးရအပေါ် ဝေဖန်မှုမြင့်တက်နေသော်လည်း သမ္မတဦးသိန်းစိန် မလေးရှားသို့ ချစ်ကြည်ရေးခရီးသွားမည်

By

အေးသူစံ

On  

Wed, 2015-03-11 12:41

Location

ရန်ကုန်

Issue No.

No.679 Wednesday, March 11, 2015

 နိုင်ငံအတွင်း ကျောင်းသားသပိတ်ဖြိုခွဲလိုက်ခြင်းနှင့် ပတ်သက်၍ မြန်မာအစိုးရအပေါ် ဝေဖန်မှုများ မြင့်တက်နေသော်လည်း သမ္မတဦးသိန်းစိန်သည် မလေးရှားနိုင်ငံသို့ မူလစီစဉ်ထားသည့်အတိုင်း ချစ်ကြည်ရေးခရီးစဉ် သွားရောက်မည်ဖြစ်ကြောင်း သမ္မတပြောခွင့်ရပုဂ္ဂိုလ် ဦးရဲ ထွဋ်ကပြောကြားသည်။သမ္မတဦးသိန်းစိန်နှင့် ဇနီး ဒေါ်ခင်ခင်ဝင်းတို့သည် မလေး ရှားဘုရင် ဆူလတန်အဗ္ဗဒူဟာ လင်မ်မူအက်ဒ်နှင့် မိဖုရား ရာဂျာ ပါမိုင်ဆူရီတုိ့၏ ဖိတ်ကြားချက်အရ ချစ်ကြည်ရေးခရီး သွားရောက်ခြင်းဖြစ်ကြောင်း မလေးရှားဘက်က သတင်းထုတ်ပြန်ပြီးနောက် နိုင်ငံပိုင်သတင်းစာများကလည်း  မတ်လ ၉ ရက်တွင် မလေးရှားနိုင်ငံသို့ ဦးသိန်းစိန်သွားမည့် သတင်းကို ထုတ်ပြန်သည်။
 နိုင်ငံတော်ခရီးစဉ်များရှိသည့်အခါ နိုင်ငံပိုင်သတင်းစာများ က ခရီးစဉ်ကို သုံးရက်ကြိုကြေ ညာခြင်းဖြစ်ရာ မတ်လ ၁၁ ရက် တွင် သမ္မတဦးသိန်းစိန် မလေးရှားသို့ သွားရောက်ဖွယ်ရှိနေသည်။
မတ်လ ၁၀ ရက်က လက်ပံ တန်းတွင် ဒီမိုကရေစီကျောင်းသားများ ပင်မသပိတ်စစ်ကြောင်းကို ရဲတပ်ဖွဲ့က ဖြိုခွဲလိုက်ပြီး ပဋိ ပက္ခတွင် လိုတာထက်ပိုသည့် လူ အင်အားနှင့် ရိုက်နှက်မှုများပြု လုပ်ခြင်းကြောင့် မြန်မာအစိုးရ ဝေဖန်ခံနေရသော်လည်း သမ္မတအနေဖြင့် ခရီးစဉ်ကို ရွှေ့ဆိုင်းရန် မရှိဟု ဦးရဲထွဋ်ကပြောသည်။
‘‘ပညာရေးဥပဒေပြင်ဆင်ဖို့ အတွက် လွှတ်တော်လုပ်ငန်းစဉ်အတိုင်း လုပ်ဆောင်နေပြီ။ သက် ဆိုင်တဲ့ အဖွဲ့အစည်းများကလည်း အကြံပြုခွင့်ရှိနေပြီ။ တည်ငြိမ် အေးချမ်းမှုနဲ့ ဆယ်တန်းစာမေးပွဲများ အေးချမ်းစွာ ဖြေဆိုနိုင်ဖို့ အတွက် လိုအပ်တဲ့ ဥပဒေစိုးမိုးရေးဆိုင်ရာ လုပ်ဆောင်ချက်များကိုလည်း တိုင်းဒေသကြီးနဲ့ ပြည် နယ်အစိုးရများက လုပ်ဆောင်ထားပြီးဖြစ်ပါတယ်’’ဟု ၎င်းက ပြောသည်။
သမ္မတ၏ မလေးရှားခရီးစဉ်အတွင်း မလေးရှားအစိုးရ တာဝန်ရှိသူများနှင့် နှစ်နိုင်ငံချစ်ကြည်ရေး၊ စီးပွားရေးဆိုင်ရာကိစ္စရပ်များ မြန်မာအလုပ်သမားများ၏ အခွင့်အရေးနှင့် လုံခြုံရေးကိစ္စများ ဆွေးနွေးမည်ဟု သိရသည်။

နောက်ဆုံးပိတ်အိတ်နှင့်လွယ်မည့် ဘတ်ဂျက်လား

By

ပြည်သိမ်း

On  

Wed, 2015-03-11 10:09

Issue No.

အတွဲ (၁၄)၊ အမှတ် (၂)

လက်ရှိအစိုးရ၏ နောက်ဆုံးနှစ်တွင် အသုံးပြုမည့် ဘတ်ဂျက်မှာ ဌာနအချို့က ပုံမှန်ထက် ငွေကြေးပိုအသုံးပြုမည်ဟု ဆိုထားသည်။ (ဓာတ်ပုံ- MOI)

သမ္မတဦးသိန်းစိန် အစိုးရနောက်ဆုံးနှစ်ဖြစ်သော ၂၀၁၅-၁၆ ဘဏ္ဍာနှစ်အတွက် ၀န်ကြီးဌာနများမှ တောင်းခံလာသော ငွေပမာဏနှင့် ပတ်သက်၍ လွှတ်တော်အမတ်များကြား အံ့သြသွားကြသည်။ ထို့ကြောင့် အချို့က လူအများသိစေရန် လူမှုကွန်ရက်များ၊ မီဒီယာများတစ်ဆင့် ထုတ်ဖော်ပြောလာသည်ကို တွေ့လာရသည်။

ဝန်ကြီးဌာနများအနေဖြင့် ဘတ်ဂျက်တောင်းခံရာတွင် လာမည့်ဘဏ္ဍာနှစ်နှင့် ယခုဘဏ္ဍာနှစ်ကို နှိုင်းယှဉ်ကြည့်လျှင် ဆောက်လုပ်ရေးဝန်ကြီးဌာန၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာနနှင့် နယ်စပ်ရေးရာဝန်ကြီးဌာနတို့၏ တောင်းခံမှုမှာ ယခင်နှစ်များထက် များပြားနေသည်။ အချို့ကိစ္စများမှာ ယုတ္တိမရှိသည့် တောင်းခံမှုမျိုးဖြစ်နေကြောင်း အမျိုးသားလွှတ်တော်ကိုယ်စားလှယ် ဦးလှဆွေက ၎င်း၏ဖေ့စ်ဘွတ်ခ်စာမျက်နှာတွင် ရေးသားထားသည်။
ယခုနှစ်အတွက် ၀န်ကြီးဌာနအများစုမှတောင်းဆိုသော ဘတ်ဂျက်တွင် တည်ဆောက်ရေးစီမံကိန်းများအတွက် အများဆုံးတောင်းခံထားသည်ကို လေ့လာတွေ့ရှိရသည်။ ထို့ကြောင့်လည်း ဆီးသီးဗန်းမှောက်သည့်ဥပမာမျိုး ပိုမိုဖြစ်လာမည်ကို လွှတ်တော်အမတ်များက စိုးရိမ်ကြသည်။ ယခုနှစ်သည် သမ္မတဦးသိန်းစိန် ဦးဆောင်သော အစိုးရအဖွဲ့၏ နောက်ဆုံးနှစ်ဖြစ်ပြီး အချို့သော ပြည်ထောင်စုဝန်ကြီးများမှာ နောက်အစိုးရလက်ထက်တွင် ၀န်ကြီးထပ်ဖြစ်ရန် မသေချာသူများ ဖြစ်သည်။
‘‘နယ်စပ်ရေးရာဝန်ကြီးဌာနဆိုလည်း တစ်နိုင်ငံလုံးကျေးလက်လမ်းတွေ လိုက်ဖောက်တာမှာ လမ်းသိပ်သည်းမှုအတွက် ၃၅ ရာခိုင်နှုန်းတောင် ပေးထားတယ်။ သီအိုရီအရ မြေကျင်းတစ်ကျင်းကိုတူးပြီး အပြင်မှာပုံရင် ၁ ဒသမ၂၅ ကျင်းရတဲ့အတွက် ၂၅ ရာခိုင်နှုန်းပဲ ပေးရမှာပါ။ ဥပမာ လေးပေအမြင့်တင်ရမယ့် မြေသားပေါင်ဟာ ငါးပေဖို့မှ ဖြစ်တဲ့အတွက် ၂၅ ရာခိုင်နှုန်းပေးရတာပါ။ ဒါပေမဲ့ နယ်စပ်ဝန်ကြီးဌာနမှာ ၃၅ ရာခိုင်နှုန်းတောင် ပေးထားတော့ ၁၀ ရာခိုင်နှုန်း ပိုများနေပါတယ်။ တစ်နိုင်ငံလုံး မိုင်ထောင်ချီနေတော့ အတော်လေး များပြားလွန်းလှပါတယ်။ အတော်စေတနာကောင်းတဲ့တွက်နည်းနဲ့ သီအိုရီကို ကျော်လွန်ပြီး တွက်ချက်ပေးခဲ့သလား။ လက်တွေ့မှာတော့ ခင်းလိုက်တဲ့လမ်းတွေဟာ တစ်မိုးလောက်သာ ခံတာတွေ့ရတယ်’’ဟု ဦးလှဆွေ၏ ဖေ့စ်ဘွတ်ခ်တွင် ရေးသားထားသည်။
ထို့အတူ အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်ကိုယ်စားလှယ် ဒေါ်စန္ဒာမင်းကလည်း ‘‘နိုင်ငံတော်သမ္မတကို ပေးထားတဲ့ သီးသန့်ရန်ပုံငွေမှာလည်း အထူးကိစ္စရပ်အတွက် ပေးထားတာတွေကို ဖော်ပြထားတယ်။ ဒီရန်ပုံငွေကို လယ်ဆည်က အများဆုံးသုံးတယ်။ လုပ်ငန်းတွေက သဘာဝဘေးအန္တရာယ်ကြောင့် အသည်းအသန်လုပ်ရတဲ့ လုပ်ငန်းတွေကိုပြတယ်။ တကယ်တမ်းက ဒါက BE မှာရော RE မှာရော တောင်းလို့ရတယ်။ အဲဒါကို သီးသန့်ရန်ပုံငွေမှာလည်း ထည့်တောင်းထားတယ်။ ရသလောက်သုံးမယ်ဆိုတဲ့ သဘောပဲ’’ဟု သုံးသပ်ပြောကြားသည်။
သမ္မတဦးသိန်းစိန်အစိုးရ တက်လာပြီးနောက်ပိုင်း အစိုးရက နှစ်စဉ်သုံးစွဲမည့် ငွေစာရင်းကို လွှတ်တော်သို့ တင်ပြတောင်းခံရသည်။ ထိုသို့ တင်ပြတောင်းခံရာတွင် တစ်နှစ်ထက်တစ်နှစ် တောင်းခံသည့်ပမာဏ တိုးတိုးလာကြောင်း လွှတ်တော်ကိုယ်စားလှယ်များကဆိုသည်။
အစိုးရအဖွဲ့အနေဖြင့် သုံးစွဲမည့်ငွေပမာဏမှာ နှစ်စဉ်သိသိသာသာ တိုးတက်လာသော်လည်း ၀င်ငွေသိသိသာသာ မရှာနိုင်ခြင်းကြောင့် နှစ်စဉ်လိုငွေပြသည့်ပမာဏမှာ တစ်နှစ်ထက်တစ်နှစ် ပိုမိုများပြားလာခဲ့သည်။
၂၀၁၂-၁၃ ဘဏ္ဍာနှစ်တွင် ဘတ်ဂျက်လိုငွေပြမှုမှာ ကျပ်ဘီလီယံ ၁၆၂၅ ဘီလီယံ၊၂၀၁၃-၁၄ဘဏ္ဍာနှစ်တွင် ကျပ် ၂၈၈၆ ဘီလီယံနှင့် ၂၀၁၄-၁၅ ဘဏ္ဍာနှစ်တွင် ကျပ် ၂၇၅၁ ဘီလီယံတို့ရှိခဲ့သည်။ ထိုကဲ့သို့ နှစ်စဉ်လိုငွေပြမှုကြောင့် ငွေကြေးဖောင်းပွမှုနှုန်းမှာ နှစ်စဉ်မြင့်တက်လာခဲ့သည်။
အစိုးရသစ်သက်တမ်းလေးနှစ်တာကာလအတွင်း ဘတ်ဂျက်လိုငွေပြမှုမှာ ကျပ်ငွေဘီလီယံ ၇,၂၀၀ ထိရှိလာခဲ့သည်။ လာမည့်နှစ်နိုင်ငံအတွက် ၀င်ငွေမှာ ကျပ်ငွေဘီလီယံ ၁၉,၄၀၃ရှိပြီး သုံးငွေမှာ ၂၃,၂၃၀ ဘီလီယံရှိသဖြင့် ဘတ်ဂျက်လိုငွေမှာ ကျပ် ၃၈၂၇ ဘီလီယံရှိကြောင်း လွှတ်တော်မှ ပြုစုထားသော တိုင်းပြည်၏ စီးပွားရေးအခြေအနေခန့်မှန်းစာရင်း၌ ဖော်ပြထားသည်။ လာမည့်ဘဏ္ဍာနှစ်တွင် ဘတ်ဂျက်လိုငွေသည် ပြည်တွင်းအသားတင်ထုတ်လုပ်မှု တန်ဖိုး(ဂျီဒီပီ)၏ ၅ ဒသမ၂ ရာခိုင်နှုန်းကျော်ရှိသဖြင့် တိုင်းပြည်ဖွံ့ဖြိုးရေးအတွက် စိုးရိမ်စရာဖြစ်လာသည်ဟု ပညာရှင်အချို့က ထောက်ပြခဲ့သည်။
ယင်းကဲ့သို့ ၀န်ကြီးဌာနများက ဘတ်ဂျက်များ တိုးမြှင့်တောင်းခံမှုသည် လိုငွေမူဝါဒဖြင့် ရေးဆွဲထားသော တိုင်းပြည်တွင် လိုငွေများ ထပ်မံမြင့်တက်လာမည်။ လိုငွေမြင့်တက်မှုကြောင့် ပုဂ္ဂလိကကဏ္ဍကို ထောက်ပံ့မှုမှာ အားနည်းလာမည်။ မြန်မာကျပ်ငွေတန်ဖိုးလည်း ကျဆင်းပြီး သွင်းကုန်ထုတ်ကုန်ပစ္စည်းများ ဈေးတက်လာသဖြင့် ပြည်တွင်း၌ ကုန်ဈေးနှုန်းများလည်း ကြီးမြင့်လာနိုင်ကြောင်း စီးပွားရေးပညာရှင် ဒေါက်တာအောင်ကိုကိုကသုံးသပ်ပြသည်။
နိုင်ငံတစ်နိုင်ငံအတွက် အရအသုံးစရိတ်(ဘတ်ဂျက်)ကို အကောင်အထည်ဖော်ရာတွင် အစိုးရများအနေဖြင့် မူဝါဒသုံးမျိုးမှ တစ်မျိုးကို အသုံးပြုကြသည်။ ရငွေနှင့်သုံးငွေ တူညီသည့်ဘတ်ဂျက်၊ ရငွေများပြီး သုံးငွေနည်းသည့် ဘတ်ဂျက်နှင့် ရငွေနည်းပြီး သုံးငွေများသည့်ဘတ်ဂျက်တို့ဖြစ်သည်။
 ရငွေများပြီး သုံးငွေနည်းသော ဘတ်ဂျက်စနစ်သုံးစွဲခြင်းမှာ ကုန်ဈေးနှုန်းကျဆင်းမှုကို ဖြစ်ပေါ်စေသည့်အပြင် စီးပွားရေးလုပ်၍ မကောင်းသော ဘတ်ဂျက်ဖြစ်သည်။ လက်ရှိ မြန်မာနိုင်ငံအနေဖြင့် သုံးစွဲနေသော ဘတ်ဂျက်စနစ်မှာ ရငွေနည်းပြီး သုံးငွေများသည့် လိုငွေဘတ်ဂျက်စနစ် ဖြစ်သည်။ ထိုစနစ်ကို အမေရိကန်နှင့် ဂျပန်နိုင်ငံတို့ပါ သုံးစွဲကြသည်။
ထိုစနစ်တွင် လိုငွေပမာဏများလာပါက ငွေကြေးဖောင်းပွမှုများ ဖြစ်ပေါ်လာနိုင်ပြီး ကုန်ဈေးနှုန်းများ မြင့်တက်လာမည်ကို စိုးရိမ်ရသည်။
‘‘လိုငွေဘတ်ဂျက်ချင်းတူတယ်ဆိုပေမယ့် နိုင်ငံကြီးတွေလိုဖြေရှင်းဖို့ နည်းပညာတွေ၊ ဖွံ့ဖြိုးမှုတွေမရှိဘူး’’ဟု စီးပွားရေးပညာရှင် ဒေါက်တာအောင်ကိုကိုက ပြောကြားသည်။
အမေရိကန်နိုင်ငံသည် လိုငွေဘတ်ဂျက်မူဝါဒကို အသုံးပြုနေသော်လည်း နည်းပညာမြင့်ထုတ်ကုန်များဖြစ်သော ဟန်းဆက်များ၊ ကွန်ပျူတာများထုတ်လုပ်ပြီး ကမ္ဘာကို ဖြန့်ဖြူးနေခြင်း၊ မော်တော်ယာဉ်များ၊ လူသုံးကုန်ပစ္စည်းများမှအစ ထုတ်ကုန်အရေအတွက် မြောက်မြားစွာထုတ်လုပ်ပြီး တစ်ကမ္ဘာလုံးကို တင်ပို့ရောင်းချနေသဖြင့် စိုးရိမ်စရာမရှိပေ။
မြန်မာနိုင်ငံအနေဖြင့် ဆေးဝါး၊ လူသုံးကုန်၊ အပ်ကအစ နိုင်ငံခြားမှ ၀ယ်ယူနေရခြင်း၊ ပြည်တွင်း၌ သွင်းကုန်အစားထိုးထုတ်လုပ်နေသော ပစ္စည်းများမှာ နည်းပညာ၊ ငွေကြေးထောက်ပံ့မှုမှအစမရှိခြင်းတို့ကြောင့် ရငွေနှင့် သုံးငွေ မလုံလောက်ခြင်းဖြစ်ပြီး လိုငွေပြနေခြင်းဖြစ်သည်။
လက်ရှိမြန်မာနိုင်ငံ၏ အခြေအနေမှာ နှစ်စဉ်ငွေကြေးဖောင်းပွမှုမြင့်တက်လာခဲ့ပြီး အစိုးရက တွက်ချက်ထားသော ငွေကြေးဖောင်းပွမှုနှုန်းမှာ ၆ ဒသမ ၈ ရာခိုင်နှုန်းထိရှိလာကာ လာမည့်ဘဏ္ဍာနှစ်တွင် ၈ ဒသမ ၁၁ ရာခိုင်နှုန်းထိရှိလာနိုင်ကြောင်း လွှတ်တော်ကခန့်မှန်းထားသည်။ ဗဟိုဘဏ်၏ တွက်ချက်မှုအရ ယခုဘဏ္ဍာနှစ်တွင် လွှတ်တော်က သတ်မှတ်ထားသော ပမာဏအတိုင်း ၀န်ထမ်းလစာတိုးပေးပါက ငွေကြေးဖောင်းပွမှုနှုန်းမှာ ၈ ရာခိုင်နှုန်းမှ ၁၀ ရာခိုင်နှုန်းထိ ရှိလာနိုင်သည်ဟု တွက်ချက်ထားသည်။ မြန်မာနိုင်ငံ၏ ငွေကြေးဖောင်းပွမှုနှုန်းမှာ ၁၀ ရာခိုင်နှုန်းထိ ရောက်ရှိလာပါက စိုးရိမ်ရကြောင်း ပြီးခဲ့သည့်နှစ်လယ်ပိုင်းက သတိပေးပြောကြားထားသည်။
အစိုးရအဖွဲ့အနေဖြင့် နှစ်စဉ်သုံးစွဲသည့် ငွေပမာဏကို လွှတ်တော်မှ ခွင့်ပြုပေးခဲ့ပြီး ထိရောက်မှုမရှိသည်ကို အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ပြီးခဲ့သည့်စက်တင်ဘာလအတွင်း ကျင်းပသည့် လွှတ်တော်အစည်းအဝေးတစ်ခု၌ ပြောကြားခဲ့သည်။
ဝန်ကြီးဌာနများကတောင်းခံသည့် ငွေပမာဏကို လွှတ်တော်က ခွင့်ပြုပေးခဲ့ပြီး စီမံကိန်းများအတွက် ထက်ဝက်သာသုံး၍ ကျန်ထက်ဝက်မှာ အစိုးရဌာနတွင်း လာဘ်စားမှုကြောင့် ကုန်သွားကြောင်း အမျိုးသားလွှတ်တော်ဥက္ကဋ္ဌက စက်တင်ဘာအတွင်း ပြုလုပ်သည့် လွှတ်တော်အစည်းအဝေး၌ ပွဲဈေးတန်း ဆီးသီးဗန်းမှောက်သည့်ဥပမာဖြင့် ပြောကြားခဲ့သည်။
‘‘လိုငွေဘတ်ဂျက်မှာ စီမံကိန်းတွေအတွက် တကယ်အသုံးလိုလို့ တိုးတောင်းတာကိစ္စမရှိဘူး။ လစာတိုးဖို့၊ ဧည့်ခံပွဲတို့လို သာမန်အသုံးစရိတ်တွေတိုးလာရင်တော့ တိုင်းပြည်စီးပွားရေးအတွက် စိုးရိမ်ရတယ်’’ဟု စီးပွားရေးပညာရှင် ဦးဇော်ဖေ၀င်းကပြောကြားသည်။
လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနအနေဖြင့် တူးမြောင်းများ ခေတ်မီအောင် ဆောင်ရွက်ရန် တူးမြောင်း ၁၉ ခုအတွက် ငွေလုံးငွေရင်း ၂၀၁၄-၁၅ တွင် ၅၁,၈၇၅သန်းနှင့် ၂၀၁၅-၁၆မှာ ၈၁,၉၆၁ ဒသမ ၀၃၃ သန်း နှစ်ခုပေါင်း ၁၃၃,၈၃၆ ဒသမ ၀၃၄ သန်း တောင်းခံထားသည်။
ထိုကိစ္စနှင့်ပတ်သက်၍ ပြည်ခိုင်ဖြိုးပါတီမှ အမျိုးသားလွှတ်တော်အမတ် ဦးလှဆွေက ‘‘မြစ်ရေတင်တွေဆိုရင် ၁၀၀ မှာ ၁၆ ရာခိုင်နှုန်းပဲ အောင်မြင်တယ်။ ၈၄ ရာခိုင်နှုန်းက အလုပ်မဖြစ်ဘူး။ အဲဒီဌာနကို ဖျက်သိမ်းလိုက်တာမှ တော်ဦးမယ်။ ကျပ်သန်းပေါင်းသောင်းချီသုံးထားပြီး ဟုတ်တိပတ်တိရေမှ မရတာ။ အလကားပါပဲ။ အဲဒီငွေတွေကို တောင်သူတစ်ဦးချင်းကို ထုတ်ပေးပြီး ကိုယ့်လယ်မှာကိုယ် အ၀ီစိတွင်းတူး၊ ကွန်ပရက်ဆာနဲ့ ပန့်ဆင်ပေးလိုက်ရင် အပျံစားဖြစ်နေလောက်ပြီ’’ဟုပြောသည်။
လွှတ်တော်အမတ်များအနေဖြင့် စစ်ဆေးတွေ့ရှိချက်များကို ပြောဆိုနိုင်သော်လည်း သက်ဆိုင်ရာဝန်ကြီးဌာနက တောင်းဆိုသည့် ပမာဏအတိုင်း ခွင့်ပြုပေးနေရသည့်သဘော ဖြစ်နေသည်။
‘‘ဘဏ္ဍာငွေအရသုံးဆိုင်ရာ ဥပဒေကြမ်းထုတ်ပြီး ရှေ့နေချုပ်ရုံးက ဥပဒေကြမ်းအရ ကန့်ကွက်ရန်မရှိဘူးဆိုပြီး သဘောထားမှတ်ချက်ပေးတယ်။ သူတို့ ဒီလိုသဘောထားမှတ်ချက်ပေးတယ်ဆိုရင် စစ်ဆေးပြီးသား စာရင်းစစ်ချုပ်ရုံးက အစီရင်ခံစာလာတယ်။ သူတို့က ကန့်ကွက်ရန်မရှိဆိုပြီး လွှတ်တော်ကိုတင်တယ်။ အစိုးရကပြောတာက လွှတ်တော်က ဖြတ်တောက်လိုက်ရင် စီမံကိန်းကရပ်သွားမယ်။ အဲဒါကြောင့် လွှတ်တော်ကိုယ်စားလှယ်တွေက သိသိကြီးနဲ့ ဖြတ်တောက်မှု မလုပ်နိုင်ဘူး’’ဟု ပြည်သူ့လွှတ်တော်အမတ် ဒေါ်စန္ဒာမင်းကဆိုသည်။
ဝန်ကြီးဌာနများအလိုက် တောင်းခံသော ဘတ်ဂျက်တွင် အချို့မှာ ပမာဏများသော်လည်း ဖွံ့ဖြိုးရေးစီမံကိန်းများ လုပ်ဆောင်နေသဖြင့် လွှတ်တော်မှဖြတ်ချရန် မလွယ်ကူကြောင်း၊ အကယ်၍ ဖြတ်ချလိုက်ပါကလည်း တိုးတက်မှုများတွင် အတားအဆီးဖြစ်ပြီး လွှတ်တော်က တာဝန်ယူရမည်ဖြစ်သောကြောင့် စနစ်တကျထိန်း၍ လုပ်ဆောင်နေရကြောင်း လွှတ်တော်အမတ်ကဆိုသည်။
ထို့ကြောင့်လည်း အစိုးရတောင်းဆိုသည့် ပမာဏအတိုင်း ခွင့်ပြုပေးရမည့် အနေအထားဖြစ်နေသည်။ နောက်ဆုံးပိတ် အိတ်နှင့်လွယ်ကြတော့မည့်ကိန်း ဖြစ်နေသည်။ ဆီးသီးဗန်း အကြီးကြီးမှောက်ကျတော့မည်။        ။