မလေးရှားနိုင်ငံ
ဘူဂစ်ဂျာလီထိန်းသိမ်းစခန်းတွင် ပြစ်ဒဏ်ကျခံနေရသော မြန်မာအပါအ၀င်
ပြည်ပနိုင်ငံသားများကို တွေ့ရစဉ်/ဓာတ်ပုံ − မျိုးညွန့်
မလေးရှားနိုင်ငံ၌ ပြစ်ဒဏ်ကျခံပြီး ပြန်စရာလမ်းစရိတ်မရှိ၍ ဘူဂစ်ဂျာလီကမ့်တွင် သောင်တင်နေသော မြန်မာလုပ်သားတစ်ဦးသည် ပြန်ရန်အတွက် လမ်းစရိတ်ကူညီပေးရန် ဖေဖော်ဝါရီ ၂၂ ရက်က ဖုန်းဆက်အကြောင်းကြားလာကြောင်း မလေးရှားနိုင်ငံ ကွာလာလမ်ပူမြို့တွင်နေထိုင်သော ကိုမျိုးညွန့်ကပြောသည်။
ဘူဂစ်ဂျာလီကမ့်တွင် ထိန်းသိမ်းခံရသော မြန်မာလုပ်သားများ ၆၀၀ကျော်ရှိပြီး ၁၀၀ကျော်သည် ပြစ်ဒဏ်မှ လွတ်မြောက်ပြီးသော်လည်း ပြန်ရန်လမ်းစရိတ်မရှိသောကြောင့် သောင်တင်နေကြောင်း အကူအညီတောင်းခံသူက ပြောကြားသည်ဟု ကိုမျိုးညွန့်က ပြောသည်။
‘‘သူက ကမ့်ထဲမှာရောက်နေတာ ၈လရှိပြီလို့ပြောတယ်။ သူ့မိသားစုတွေလည်း ဆက်သွယ်ဖို့ မမှတ်မိတော့လို့ ပြန်ရဖို့မလွယ်ဘူးပြောတယ်။ ပြန်ရင်လည်း မလေးငွေ ၆၅၀ (ရင်းဂစ်) သွင်းရတယ်။ ၁၀၀ လောက်က ပြန်ဖို့ရာရှိနေတယ်။ နောက်ပြီး အဲဒီ ၆၀၀ထဲမှာလည်း ရူးနေတဲ့မြန်မာတွေလည်း ရှိတယ်ပြောတယ်။ ကျွန်တော်ကလည်း အဲဒီလောက်ကြီးကျတော့ မတတ်နိုင်ဘူးဖြစ်နေတယ်’’ ဟုမလေးရှားရောက်မြန်မာများအား ကူညီပေးနေသော ကိုမျိုးညွန့်ကပြောသည်။
ပြန်ရန်အခက်ခဲဖြစ်နေသော မြန်မာလုပ်သား ၁၀၀ကျော်အား ဝိုင်းဝန်းကူညီပေးစေလိုကြောင်း ကိုမျိုးညွန့်ကပြောသည်။
‘‘ကျွန်တော်ပြောတာ မယုံဘူးဆိုရင် အလှူရှင်တွေအနေနဲ့ လာပြီးစုံစမ်းစေချင်ပါတယ်’’ဟု ကိုမျိုးညွန့်က ဆိုသည်။ မလေးရှားနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီး မြန်မာနိုင်ငံသို့ ပြန်လိုပါက နိုင်ငံသားဖြစ်ကြောင်းလက်မှတ်(CI)ထုတ်ယူရန်နှင့် လေယာဉ်လက်မှတ်အတွက် ရင်းဂစ် ၆၅၀ ပေးသွင်းရကြောင်း သတင်းရရှိသည်။ မလေးရှားနိုင်ငံတွင် ထောင်ကျခံရပြီး နိုင်ငံခြားများအား ထိန်းသိမ်းထားသော ကမ့် ၁၁ခု ရှိကြောင်း သတင်းရရှိသည်
No comments:
Post a Comment